Jæja, ég kom mér loks í þetta. Það eru komnar nokkrar myndir inn frá fyrstu helginni í júlí þegar við fórum í Álfaskeið en ég kom ekk i inn myndunum frá roadtrippinu til Egilstaða.. En ég held það sé hægt að ýta á boxin fyrir neðan til að sjá slædsjó

Tálknópjásur verða tjásur?... www.blog.central.is/talknopjasur 

www.blog.central.is/tjasur

Þetta sumar er búið að vera mjög gott fyrir utan það að ég er búin að vera að vinna svo mikið að ég er ekki búin að gera allt sem ég lofaði sjálfri mér að gera. En það er svo sem eitthvað eftir af sumrinu:-)

En sumarið 2007 átti að vera útilegusumarið mikla en enn sem komið er hef ég bara sofið eina nótt í tjaldi en það var líka mjög skemmtilegt. Við fórum nokkur saman upp í Álfaskeið, rétt hjá Flúðum þar sem var brenna og læti, mjög skemmtilegt.

En næstu tvær helgar er stefnan sett á útilegu.

Ég og Hadda ætlum að keyra eftir vinnu á föstudag í Atlavík og förum svo til Egilstaða á laugardeginum að horfa á kallana okkar í fótbolta. Þetta er búið að vera alveg rosalega skemmtilegt fótboltasumar enda alltaf gaman þegar vel gengur. En Selfoss vann Sindra 9-1 í síðasta leik þar sem Alli skoraði 3 og Sævar, hennar Höddu skoraði 4. Þetta var alger snilld. Ekki skrýtið að við séum orðnar fótboltaóðar

Um versló ætlum við svo að fara á Hellishóla sem á víst að verða voða skemmtilegt, allavega líst mér vel á.

Ég hef ekkert bloggað því ég ætlaði svo mikið að setja myndir inn með en þær koma bráðlega..

 Kveðja Dúdda

Er alveg ótrúlega ánægð með lífið þessa dagana, er búin að fá út úr öllum prófunum og náði öllu nú brosi ég það sem erfir er..

Ég er auðvitað byrjuð í bankanum sem er bara mjög fínt. Það er mjö mikið að læra þessa fyrstu daga en þetta þarf auðvitað að vera krefjandi til þess að geta verið skemmtilegt.

Veðrið er ekki alveg til þess að gera hressa mann mikið nema það að ég get ekki annað en brosað þegar það kemur haglél á tveggja tíma fresti í endaðan maí.. Þetta land er ótrúlegt!

Prófin búin, ég brunaði beint vestur, heim til mömmu og pabba og er búin að hafa það alveg rosalega gott síðan á föstudag. En ég þarf víst að fara aftur heim á morgun því alvaran er að byrja, fyrsti dagurinn í Landsbankanum er á miðvikudaginn.

Það gekk held ég alveg ágætlega í prófunum held ég. Það er samt alltaf svolítið erfitt að segja.. Nú er bara að bíða og vona því ég get ímyndað mér fátt verra en að eyða sumrinu í að læra á meðan aðrir eru í útilegum

jæja ætli ég fari ekki að finna mér eitthvað sniðugt að gera, það er víst ekki það gáfulegasta sem maður gerir þegar maður kemur loksins á Tálknafjörð að hanga bara í tölvunni..

 Dúdda

Nú er ég aðeins að svindla

 Á auðvitað að vera að læra, en ákvæð að nýta tækifærið þar sem ég þurfti að sækja lesefnið á netið. Fyrsta prófið er á mánudaginn... Lærdómurinn er alveg að fara með mig, kannski drukkna ég ég veit ekki..

En það sem heldur lífi í mér er að ég fer heim á Tálknafjörð sama dag og síðasta prófið er. Gæti ekki verið hamingjusamari. En verst er að sauðburðurinn verður ekki byrjaður á fullu, svo það verður örugglega bara ein búin að bera. En hey, eitt lamb er betra en ekkert lamb!;-)

Fór í óvissuferð með sjoppunni um daginn. Það var rosalega gaman. Enduðum á Rauða Húsinu þar sem við fengum alveg geðveikan mat og dönsuðum svo af okkur rassinn við Karma. Ég held að ég hafi ekki dansað svona mikið síðan í féló á Tálknó;-)

jæja nú verð ég að fara.   Dúdda

Jæja nú eru línurnar fyrir sumarið heldur betur farnar að skýrast. Ég er allavega komin með vinnu í Landsbankanum hér á Selfossi. Líst bara þokkalega vel á það.

 Komin í páskafrí, ef frí skildi kalla því það fer að sjálfsögðu í lærdóm og aftur lærdóm. Á eftir að skila tveimur ritgerðum og lesa heilan haug af helling fyrir prófin... Ég er ekkert rosalega bjartsýn á þetta allt saman.

 Jú svo er annað nýtt, ég er farin að vinna aðeins í pylsuvagninum hér á Selfossi, mjög fínt fyrir utan það að ég lenti í að vinna með fyrrverandi kærustunni hans Alla... Það verður ekki mikið meira vandræðalegt en það!

 Sigríður systir ætlar að vera hjá okkur aðeins um páskana og við förum á x-factor á föstudaginn, gríðarleg spenna í gangi.

Sumarið mitt verður reyndar ekki alveg svona en ég er samt voða spennt;-)

 Jæja ætli ég verði ekki að fara að drífa mig heim og halda áfram að skrifa..

 og ...  Gleðilega páska

Ég er orðin svo spennt fyrir sumrinu þó svo að það sé voða lítið komið í ljós með það....

 Ég veit til dæmis ekki hvar ég verð að vinna eða neitt, er búin að sækja um á nokkrum stöðum og nú er það bara að vona það besta. Ég er að vonast eftir að vera að vinna svona átta til fimm vinnu svo að ég geti nú eitthvað verið með honum Alla mínum

Ég er meira að segja orðin rosa spennt að fylgjast með Alla í fótboltanum

En þó svo að ég viti ekki allt með þetta sumar þá er alveg ljóst að ég ÆtLa að fara í útileigu í Ásbyrgi og ég æTlA að fara á Hornstrandir. Ég er búin að vera á leiðinni þangað núna í nokkur ár og nú skal það gerast. Einhverjir sem ætla með?

Við Alli erum flutt upp á Selfoss aftur. Við fundum alveg rosalega flotta íbúð, hinum megin við ánna og íbúðin er alveg við hana. Meira að segja í húsinu við hliðina á Guðna Ágústs. Við fluttum síðasta þriðjudag og erum búin að koma okkur vel fyrir. Svo nú er það bara spurning hvenær þið ætlið að kíkja..

Þetta gerðist allt frekar fljótt, við ætluðum ekkert að vera að stressa okkur neitt bara aðeins að fara að skoða í kringum okkur og þetta var svo fyrsta íbúðin sem við skoðuðum.. Ekki lengi að þessu. Við skoðuðum íbúðina á Sunnudegi og vorum flutt á þriðjudegi

 Kveðja Dúdda                                

Hún var góð móðir

yndisleg blóðheit ástkona

skilningsrík eiginkona

kona á framabraut

virk í félagsmálum og pólitík

með fasta tíma í líkamsrækt. 

Gluggarnir voru skínandi hreinir

kögrið á mottunum greitt og sléttað

og allt húsið ilmaði

af nýbökuðu brauði

og heimagerðu marmelaði

-þegar sjúkrabíllinn kom að. 

Lena Holstein

  http://www.disgruntledhousewife.com

.. má maður segja að maður sé orðinn leiður á sjálfum sér?

Við erum að tala um það að ég fylgi öllum reglum í lífinu. Ég geri allt rétt, þannig séð en er ég að missa af öllu um leið?

Svona hefur þetta alltaf verið með mig. Fyrst hafði ég foreldra mína til að setja reglurnar, svo fer maður auðvitað eftir lögunum en nú geri ég allt sem er rétt að gera í lífinu.

Ég reyki ekki, drekk ekki, klára framhaldskóla, fer í háskóla. Spenni mig í belti hvert sem ég fer. Lít til beggja hliða þegar ég fer yfir götu. Reyni að borða hollt, hreyfi mig. Passa mig að fara ekki of seint að sofa, því maður vill nú ekki verða of þreyttur næsta dag..

Og guð minn góður nú er ég farin að safna fyrir innborgun á íbúð!

Við erum að tala um það að éger að verða fullorðin. Verð 22 ára á árinu. En vandamálið er það að það er svo margt sem ég á eftir að gera. Ég er ekki tilbúin í þessa stóru hluti, ekki strax.

Mig langar svo að setja allt á salt og fara til útlanda eða e-ð. Bara hvert sem er... Uppástungur?

Kveðja Dúdda

Við Alli fórum á styrktar og heiðurs tónleika lítillar frænku hans um daginn, Þuríðar Örnu sem er mikið veik. Stebbi Hilmars, Eyfi, Regína Ósk o.fl. sungu. Þetta var ógleymanlegt kvöld og frábært að sjá hvað fólk stendur saman þegar erfiðleikar steðja að.. Ég vona að allir hugsi hlýlega til þeirra sem eiga bágt og biðji fyrir þeim.

Ég lifi í draumi
Lag: Eyfi
Texti: Aðalsteinn Ásberg Sigurðsson

Ég lifi í draumi,
dreg hvergi mörkin dags og nætur.
Sveiflast aðeins ósjálfrátt.
Í hægum gangi,
á fullt í fangi með að finna það

sem oftast reynist öfug átt.     

                                                                

Það er líkt og ég sé laus úr öllum viðjum.
Lentur hringsólandi á vegi miðjum.
Ég lifi í draumi,
dreg hvergi mörkin dags og nætur.
Sveiflast aðeins ósjálfrátt.

Ég lifi í tómi,
tek engan þátt í trylltum dansi
fólksins allt í kringum mig.
Aleinn á randi
veit að minn vandi er að vera þar
sem engin getur áttað sig.

Það er líkt og ég sé lagstur út í bili.
Leitandi að báti á réttum kili.

Ég lifi í tómi,
tek engan þátt í trylltum dansi
fólksins allt í kringum mig.

Ég lifi í veröld,
veit ekki hvaða vindar þjóta.
En þeir fara framhjá mér.
Eins konar fangi
á víðavangi eða varnarlaus
gegn því sem er á meðan er.

Það er líkt og ég sé lamaður af ótta.
Líf mitt rennur burt á hröðum flótta.

Ég lifi í veröld,
veit ekki hvaða vindar þjóta.
En þeir fara framhjá mér.

Þetta er annar dagurinn í röð sem ég er heima. Ég held það sé ekki gott fyrir mig að vera svona mikið ein.. Ég hugsa alltaf of mikið.

Ég veit ekki hvort að ég sé misskilin eða hvort ég sé bara svona góð í að sannfæra mig um það. Ég sakna þess að hafa vini mína allt í kringum mig. Finnst ég bara eiga kunningja í dag. Meira að segja gamlir vinir eru í raun í dag bara kunningjar því það er ekkert samband og fólk þroskast og breytist.

En ég á alltaf Alla   

Fyrsta ritgerðin og fyrsti fyrirlesturinn í háskólanum að baki.. Skelf ennþá jafn mikið og áður þegar ég tala fyrir framan fólk.. Ekki virðist það ætla að eldast af mér.. Einhverjar ráðleggingar?

Við fórum á Mýrina í kvöld.

Kom á óvart að hún var dimm, drungaleg og sorgleg. Æ vúps, gleymdi mér aððeiins.. Þannig eru þær víst, þessar íslensku myndir..

Hún var mjög góð. Tónlistin alveg geðveik. Það er eitthvað við karlakóra sem lætur mig alltaf fá gæsahúð.

En hvernig er það fólk. Eruð þið að upplifa tilveruna hér á klakanum eins og hann birtist í þessum bíómyndum?
Er virkilega allt svona dimmt og drungalegt?

Vonlaust og glatað? 

Ég er nebbla ekki að sjá þetta svona.... Hjá mér er gaman

Viðrar vel til loftárása-Sigurrós

ég læt mig líða áfram
í gegnum hausinn
hugsa hálfa leið
afturábak
sé sjálfan mig syngja fagnaðarerindið
sem við sömdum saman
við áttum okkur draum
áttum allt
við riðum heimsendi
við riðum leitandi
klifruðum skýjakljúfa
sem síðar sprungu upp
friðurinn úti
ég lek jafnvægi
dett niður
alger þögn
ekkert svar
en það besta sem guð hefur skapað
er nýr dagur

Verum bara góð hvert við annað

Það er nóg að gera hjá mér í Háskólanum

En eiginlega allt annað er steindautt..

Ég verð að játa eitt.. Ég er farin að hugsa um jólin... Er farin að kaupa hluti í jólakort og læti..

Ég er ótrúlega ánægð með  lífið þessa dagana

Þó að ég sé byrjuð í Háskóla þá er ég engu nær um það hvað ég ætla að verða þegar ég verð stór.

Það eina sem gerist með tímanum er að maður sér fleiri valkosti...

ArGh! Whhat to do, what to do!